Fotoarkiv utfordring frå Helle.

Det låg ei utfordring på Helle sin blogg som gjekk ut på å leggje ut foto nr.6 i album nr.6.
Vel, i album nr.6 hadde eg berre 3 foto. Det er egentlig litt rart at desse fekk bli med over til pcen.


Kva gjer vi når vi ventar på bussen?

Det første eg gjer er å finne 24kr, dei legg eg i den lettast tilgjengelege lomma, og så begynner eg å knipse.
Somregel slettar eg desse bildene før turen går vidare, men desse har altså fått bli med like inn på harddisken.
Et mot sør, og et mot nord.




Eg har egentlig tenkt at eg skal spare et par "Mens eg ventar på bussen" foto for kvar tur, og eg har jo faktisk begynt ser eg.
Eg har òg vurdert å begynne å fotografere jernbanestasjonen, hurtigbåtteriminalen...osv.

Gratulere med dagen, Knut!

LITT "FOTO-TRAVELT"

Her i huset er det litt "Foto-travelt" no. Eg tudde eg skulle ha ein del dagar å trene Elements før eg fekk Lightroom, men Adobe leverer kjappare enn dei lovar, så no må Lightroom ha førsteprioritet.

I tillegg har eg fått beskjed om at eg kan begynne å legge ut foto frå Emergenza finalen som eg skreiv om tidlegare.
Det er gøy, men jobbigt å gå gjennom alle bildene eg tok, og hittil har eg berre fått kikka på 2 av banda.

For å få det nokolunde oversiktleg, legg eg i ein blogg etterkvart som eg har fått sortert.

Det var grådig gøy å fotografere Emergenza. Eg lånte eit orntlig bra objektiv av Arne, men det var litt utfordring å bevege seg med eit anna objektiv enn det eg var vant med.


Det er ikkje kvardagskost for meg å få eit grønt armband som fortel at eg kan bevege meg kor eg vil, og det spørst om eg vil få mulighet til å fotografere frå denne vinkelen så mange gonger:


...men gu så lyst eg har til det.

Ta gjerne ein kikk på Emergenza albumet mitt,medan eg tar for meg bildene av neste band.

Finn Jarle Sæle annonserer motdemonstrasjon i Bergen.

Sjølv om dei fleste av oss synest det er ein smule upassande å marsjere i tog for å støtte Israel akkurat no, så er det ein rett dei har. Denne veka vil Finn Jarle Sæle lede troppane gjennom gatene i Bergen.

Eg ynskjer så inderleg at dei skal ha denne retten.
Og eg skulle så inderleg ynskje at dei lot det vere.

Eg lurer på, dersom eg var ein av Palestinarane i Bergen, og hadde familien min bak Gazas grenser no
Ville eg halde meg borte?
Eller ville eg bli trekt mot Bergen sentrum og Finn Jarle Sæle's arrangement?

Eg håpar berre så inderleg at det ikkje renn over for nokon.

Januar 2009

Bortimot 1000 personar møtte opp ved Den blå steinen i går, lørd. 10.jan.

Veldig mange av Paleatinarane som bur her i vår by har nær familie som er drept eller lemlesta i Gaza.
Byen vår har mange menneske som enda meir enn oss andre fortviler over det som skjer.

Å gå i tog til støtte for befolkningen i Gaza er ikkje berre å sende signal til våre politikarar, til Israel og andre om at vi tek avstand frå krigen Israel fører.

Folk i Gaza får vite om kva som skjer, og dei gjev uttrykk for at det betyr uendeleg mykje at dei ikkje er gløymde,
at folk møter opp og støttar dei.

Dette lys er ikke solen, men en brann
Disse skyer er av røk og ikke vann
Denne grunn er bare aske ikke jord
Denne sang er bare handling, ikke ord.

Det vi ligger i er piggtråd, ikke lyng
Dirigenten roper: skyt, og ikke syng
Med gevær og ikke stokk står vi parat
og i hånden ingen gren, men en granat

Det som stormer er kanoner, ikke storm
Det som lyner er et folk i uniform
Dette folk er ikke folket, men en rest
Det er mennesker som dreper, ikke pest

Denne sang er bare blod og ikke blekk
Dette folk er ingen fugl som kan fly vekk
Denne krig er ingen krig som kan gi fred
Vi har reist oss og kan se vi er slått ned.

Dette diktet skreiv Georg Johannesen til minne om oppstanden i Warzawas getto våren 1943.
tiår på tiår har gått,
grusomheten er ikkje slutt, men kven som innehar rollene har endra seg.

Takk Irene!

Like over nyttår låg det melding fra Irene at det låg ein award til meg i bloggen hennes. Eg ila inn dit og fann denne posten.
Tusen takk Irene, det var overraskelse!

No har eg fundert på kven eg skal gi den vidare til, og så ser eg at det er litt seint for det no, vi er alt inne i 2009 og dette var ein 2008 award.

The man in black.

"Verden består av to typar menneske.
Dei som likar Johnny Cash, og dei som kjem til å like Johnny Cash."
(Og eg har tilhøyrt begge gruppene)

2008 VAR

2008 var året då
- vi feira June sin konfirmasjon
- og Majas konfirmasjon.
og eg skifta ut Corollaen som eg hadde hatt i 20 år
...og fjernsynet eg hadde hatt i 26år.

2008 var året
då bybaneskinner vart lagt i Bergen

2008 var året
då ydmykinga av det Palestinske folket heldt fram, og enda med bomber over Gaza.

2008 var òg året då 550 bergensarar deltok i fakkeltog for å vise sympati med det palestinske folket i Gaza, og markere avstand til Israels langvarige okkupasjon av Palestinsk jord.

2008 var DET året
Brann ikkje vann serien, Mjelde gjekk og Nilsen kom.

2008 var året
då eg fortsette å fotografere,
men ikkje måla.

2008 var året
då eg var på Steve Harley konsert.

2008 var året
eg omsider skaffa meg palestinasjal.

2008 var året
Obama vart vald til president,
mange fekk eit nytt håp
...og eg trur han berre er nok ein amerikansk president.

men, vel, la oss håpe.

2008 var året
Madrugada gav ut "Madrugada",
la ut på den turneen dei ikkje skulle på,
og heldt sine påstått siste konsertar.

2008 var året
då finanskrisa fekk meir oppmerksomhet
enn situasjonen i Kongo, miljøutfordringane vi står overfor, situasjonen i Palestina...

2008 var året
då eit av mine foto vart brukt i ei lærebok
fagbokforlaget fekk tillatelse til å bruke eit av dei på eit bokomslag,Aftenposten fekk bruke foto frå "Kvinnehistorisk natt" og NRK fekk bruke foto frå bloggane mine.

2008 var året
eg møtte folk som er interessert i å fotografere.

2008 var året
eg hadde ein nydelig Vågslid tur med Jon og Tina.

2008 var året
eg og Knut hadde ein helig kopp kaffe i solsteiken.

2008 var året eg og Elisabeth titt og ofte gav lyd frå oss på Brann stadion.

2008 var året
då eg høyrde Knut i Logen med det nye bandet.

2008 var året
eg var på fine konsertar sammen med Grethe.

2008 var året
med skumle, men gøye fotooppdrag.

2008 var året då det var så mange nydelege vinterdagar,
så mange nydelege sommardagar
og det vart dansa i Teatergate kiosken.

2008 var året
då avdelinga Knut jobbar på flytte frå Haukeland til Sandviken sykehus.

2oo8 var året
då det heilt på tampen av året dukka opp temaet som eg vil jobbe med.

Julehelsing frå Brasil.

Nokon av dykk som besøkjer bloggen min har gjerne fulgt linken til Mauricio sin blogg, EL COLLAGE.

Tett oppunder jul tikka julehelsinga frå Mauricio inn. Etter ønsker om ei god jul, låg denne utfordringa:

"In 2009, go ahead writing your own history"

Fotocollage Mauricio Planel

Ei slik utfordring er stor, og det er litt av ei gave om ein tar den imot.

Eg har fått lov til å dele den med dykk som besøkjer bloggen min.

Demning...vulkan....joik.

Utbygging av Alta-Kautokeino vassdraget var det som vekte Mari Boine, fekk henne til å sjå kor undertrykt det samiske i henne var, trigga fram ein vulkan.

Ein treng ikkje vere av same ætt for å tape deler av oss sjølv i ein sosialiserings prosess.
- kven har ikkje noko som bevisst eller ubevisst blir halde tilbake, som skulle fått vekse og gro?
- kven held ikkje noko tilbake når vi går inn i nye roller?

Å tilpasse seg er nødvendig, men kva blir borte?
- Kva må gjerne fare, og kva må vi ta vare på?

Eg trur landet vårt må vere fullt av sovande vulkanar.

EMERGENZA finale på USF

Dei fleste som besøker bloggen min har sikkert aldri høyrt om Emergenza.
Emergenza er ein stor musikk konkurranse for upcoming band.
Her er det ikkje som i Idol at deltakarane blir meir og meir like, meir og meir styla og veileda inn i det glatte og preglause etter kvart som dei heng med runde for runde.

14 band som ikkje var glatte og kjedelege deltok i finalen på USF lørdag.
Vinnarane var meir enn eit fyrverkeri, fytti katta! Har du bruk for å få opp energien så sjekk om det er ein Mollygogo konsert på plakaten, dei har plenty av fart og energi, - òg det smittar.
Neste stopp for Mollygogo som vann er den norske finalen på Rockefeller, så kan vi håpe på at dei går vidare derifrå og dankar ut dei andre skandinavane i Stockholm, for då møter dei resten av verden i Tyskland.
Waaow alle vestlendingar, følg med, følg med!
Dette blir spennande.

HER ligg foto frå finalen.



MOLLYGOGO.COM
EMERGENZA Wikipedia
EMERGENZA.no RESULTAT OG FOTO

ORIGO fotografar på by'n

CHATCH THE CHATCHERS


Det er gøy å møte Origo folk på by'n. I går var det Morten, Bjørn Tore og meg som hadde ein runde.
Bjørn Tore er soneverten på BILDER AV BERGEN, ei sone der det stadig dukker opp ferske bybilder.

Café Michelsen

Vi møttest ved "Café Michelsen" på Festplassen kl.18.00, to timar før regnet skulle komme.
Vi var ganske presise, men regnet var tidlegare ute enn meldt.
Dette var ein slik kveld som var gøy sjølv om vi hutra og fraus litt. Ja ikkje Bjørn Tore då, men han er fra Tromsø og har lært å kle seg etter været.
I det heile var han langt smartare enn meg. Han brukte stativet,men eg,- eg fann ut at "søren eg puttar stativet i sekken og skrur opp ISO
...det var ikkje smart, slett ikkje.
Det er så absolutt ein fordel å behalde stativet på kameraet under slike lysforhold, men det er jo så deilig å ha kjæledegga si i hånda.

Neida, ikkje ha medynk med han. Han er berre ei statue.



Eg hadde slett ikkje planlagt det, men lokka dei med til Sentralbadet.
Eg lokka egentlig ikkje, men då Morten spurde "er det lenge siden du har vært ved Sentralbadet"? så var det jo ein på knapp det.
"Ska me stikka nerom"?
Og då er det fort gjort å sei ja.






Det var deilig å avslutte kvelden med varm kaffe. Ah Mocca.


.

VINTERBILDET OG JULESANGEN

Dette har liksom blitt mitt vinterfoto.
Det tok eg for nøyaktig eit år sidan.
Det var favoritt november været mitt, og eg hadde ein laang tur i det nydelige vinterværet.


25.november, det er snart på tide å plukke fram julemusikken.
"Rosa frå Betlehem" har vore min jule musikk, den eg har sett på for å få julefokuset. No veit eg neimen ikkje kor den er.
Eg kunne jo tenkt som så at, OK så får eg vere ferdig med den, men eg trur nok eg må ha meg ein ny cd.

Joda, "Rosa frå Betlehem" er musikk som får meg i julestemning. Det er jo liksom det vi har julesangar til.

MEN det er ein julesang som verkeleg gjer inntrykk på meg, ein julesang som får mine tankar til å rekke ut av mi vesle stove.
«Fairytale of New York»,eg har høyrt Shane MacGowan synge den med mange forskjellige vokalistar, men ingen når opp til Kirsty MacColl.
Kirsty MacColl omkom under dykking i desember 2000.

«Fairytale of New York» The Pouges & Kirsty MacColl




It was Christmas Eve babe
In the drunk tank
An old man said to me, won't see another one

And then he sang a song
The Rare Old Mountain Dew
I turned my face away
And dreamed about you

Got on a lucky one
Came in eighteen to one
I've got a feeling
This year's for me and you

So happy Christmas
I love you baby
I can see a better time
When all our dreams come true

They've got cars big as bars
They've got rivers of gold
But the wind goes right through you
It's no place for the old
When you first took my hand
On a cold Christmas Eve
You promised me
Broadway was waiting for me

You were handsome
You were pretty
Queen of New York City
When the band finished playing
They howled out for more

Sinatra was swinging,
All the drunks they were singing
We kissed on a corner
Then danced through the night

The boys of the NYPD choir
Were singing 'Galway Bay'
And the bells were ringing out
For Christmas day

You're a bum
You're a punk
You're an old slut on junk
Lying there almost dead on a drip in that bed
You scumbag, you maggot
You cheap lousy faggot
Happy Christmas your arse
I pray God it's our last

I could have been someone
Well so could anyone
You took my dreams from me
When I first found you
I kept them with me babe
I put them with my own
Can't make it all alone
I've built my dreams around you

HALLOWEEN

Det er ei stund sidan Halloween no. Halloween har alltid gått upåakta hen her hos meg, men det ville seg annleis dette året.
Dette var det året mi oppfatning av Halloween blei snudd heilt om.
Før hadde eg berre fått med meg den kommersielle biten,
kjøpe, kjøpe, kjøp hos oss, vi har det du treng, det barna dine treng...



Vel, så blei det Halloween 2008. Den gjekk forsåvidt forbi i stillhet den òg, men så vart det lørdag og eg fekk ein mail fra Arne.
Om eg kunne tenke meg å ta ein tur på Halloween party på Hulen og fotografere.
NEIII kvein alt i meg. Det var æsj og off og tør ikkje.

Ein ting er å fotografere og kanhende få enkelte bra foto, men å vere bestilt for å fotografere!!!
DET var kjempeskummelt.
Eg kunne jo ikkje etterpå sei at, dei vart ikkje så bra desse bildene, eg kan komme tilbake i morgon og ta nye.

Alt i meg stritta mot, men eg tvang bort æsj etter æsj, off etter off.
Til slutt sat eg berre att med eit einaste tør ikkje.
Eg var heilt overbevist om eit nei like til eg rundt kl 18 skreiv ein "OK, eg tar turen" mail.



Det var så gøy!!
Eg skulle gjerne fotografert Halloween party ein gong i månaden!!
Det ville jo vært vanvittig egentlig,
eg som har gått og ønska meg ei linselus,
å sei nei når ein slik anledning baud seg.
Men er ein vettskremt, så er ein vettskremt.

Det var jo gøy å fotografere,
men det var òg gøy å sjå alle dei flotte, rare søte,blodige... kostyma.
...og tanken på alle kreative prosessar som har føregått rundt i byen i forkant av dette Halloween partyet!!
Tanken på det er, ah...herlig og inspirerande.










Eg måtte stable alt motet eg har på beina for å sei ja til oppdraget,
...så Elisabeth!! no har eg òg vist mot!!

Sjølvsagt var det slik at eg etter dette partyet tenkte, "ååå om eg kunne fotografert eit Halloween party neste veke òg, for no veit eg ein del av det eg skulle gjort annleis."
...men det er jo berre slik det skal vere. Vi skal alltid sjå kor forbedrings potensialet ligg når vi gjer noko for første gong.
...og er det egentlig interessant lenger når vi har oppnådd full mestring, vil vi ikkje då ha nye utfordringar?
Jo!! Ihvertfall eg!

"BERGEN BOSS" i Galleri Volt

Ta ein kikk på "BERGEN BOSS" i "Galleri Volt" vindua på Lars Hillesgate/Christies gate hjørnet.



Kunstnargruppa Parfyme frå Danmark har teke utgangspunkt i avfallssituasjonen i Bergen og overraskar oss med utstillinga som varer fram til 25.november.

Fra Parfymes hjemmeside:

"Bergen Boss
Bosset lever et skjult liv. Det fraktes i lastebiler.
Det gjemmes og glemmes i fjerne anlegg.
Men venner! Boss er oss, deg og meg.
Og vi skal ikke gjemmes vekk.
Bossets vei gjennom verden er livets strøm
Flyt med oss, Bergen Boss."

Eg får jo lyst å leggje ut fleire foto, men skal besinne meg.
Det er ikkje gøy å gå og kikke hvis eg har vist alt her i bloggen.

PARFYME

GALLERI VOLT

UNDERSKOG om Bergen Boss

HIMMELSK BYVANDRING.

Eg hadde ei aldeles herlig byvandring sist tirsdag, nydelig vær, og det er alltid noko nytt og fint eller artig å finne.
Eg kom heim med kortet fullt, men så langt har eg berre fått lagt ut gatekunst og graffiti.
Du bør ta turen innom HER og sjå på all den nye gatekunsten eg har lagt ut denne veka.

Neste post skal handle om "bosset" eg fann på den himmelske vandringa.

MADRUGADA. Det var den aller siste konseren på slutten av den siste konserten i Bergen som var best.

Vi ventar på Sivert og gjengen, Madrugada sin siste konsert i Bergen. Som eg igjen seier at eg ikkje trur blir den siste.
"Eg lurer på kor lenge dei skal gjere seg kostbare" seier eg til Knut og får vite at dei har ikkje lov å la oss vente i kveld. Det er søndag,og arbeidsdag neste dag og då er det ikkje lov å hale ut tida.
Det var eg ikkje klar over.


Han har rett, vi slepp vente.
Eg hadde store forventningar.


Eg innbiller meg at konserten måtte vere eit slit for musikarane, det ville ikkje ta av. Dei spelte ikkje dårleg, slett ikkje,men sjølv om stemninga steig noko et par gonger under konserten så dala det like fort.

MEN så kom ekstranummera,
det var då det tok av.
DÅ TOK DET AV.
Og heldigvis var dei ikkje gjerrige, der var det ikkje ein låt og ha det bra!
Nei, vi fekk ein minikonsert med kjempestemning.



SLIDESHOW MADRUGADA

DET UFATTELIGE

Det er ufattelig at ikkje Bergen forlengst har ein Bybane.
Og no er det ufatteleg at vi snart har ein.
Det er ufatteleg at skinnene ligg der
at bortover desse skinnene skal det suse sporvogner...og det er ikkje lenge til.

Dette smakar til og med betre enn Seriegull!!!

...og Hansa kan begynne å brygge Bane øl

Joda, det blir fortsatt laga politisk musikk i Norge.

Fra nyhetene:

STREET ART for STREET PAPERS

MEGAFON
har samla gatekunst frå over 60 gatekunstnarar fra heile verden

utstilling i Bergen Kunsthall
10.nov. fra kl.20.00 til kl.22.00

Deretter blir verka utstilt elektronisk på Landmark fram til 16. nov.

16.nov. kl.19.00 blir det AUKSJON

Inntektene av auksjonen skal gå til å arrangere konserten Street Noise.

Street Noise er et initiativ fra Megafon, i forbindelse med at verdskonferansen til INSP (The International Network of Street Papers) vert arrangert i Bergen i mai, 2009
Konserten vil bli et av arrangementa under denne konferansen, og overskotet vil gå til INSP (The International Network of Street Papers)


INSP
MEGAFON
BERGEN KUNSTHALL

Er han ikkje vakker?

SORRY
alle eg ikkje har kikka innom i det siste. Eg har vært så travel, og kjem til å vere litt travel dei neste dagane òg.

DANS TIL FOLKET – et dogmedansprosjekt

Magnus Myhr og Rebekka Nystadbakk

I morgon er siste dagen du kan ta turen til Teatergaten og bli underholdt.
Eg er ihvertfall glad eg kom over desse herlege dansarane. Eg hadde ein avtale, men rekna god tid for å stikke nedom Sentralbadet.
Til Sentralbadet kom eg jo aldri, og grunnen finst på desse bildene.








Det er så herlig når slike overraskelsar dukkar opp og forandrar ruta di.

"Steve Harley & Cockney Rebel" på Rick's. Årets begivenhet!

Det sveiv meg ikkje at eg skulle komme til å oppleve ein konsert med Steve Harley & Cockney Rebel.
Om eg ikkje hadde ein sønn som på 90 talet visste å bruke mammas vinylsamling for det den er verdt,
og blant andre skattar fann Steve Harley,
ville eg nok ikkje havna på Rick's lørd. 25.okt.2008.

Denne sønnen er den typen som ein dag kjem og seier : "Har du mamma lyst å bli med på Steve Harley konsert?....eg kan bestille billettar eg."
Og eg er den typen mamma som straks seier ja, og er lykkelig og forventningsfull.



Gud bedre som eg gleda meg!
Steve Harley!!!

Sjølv om eg visste det måtte bli bra
ja så ana eg ikkje kor bra det skulle bli!
Det er heilt klart årets begivenhet!


Ein dyktig gitarist forringar ikkje akkurat ein konsert.

Denne fiolinisten presterte ein solo der vi blei med til himmels utan å forlate jorda.

Dei var så fordømrade ujålete, dei entra scenen med de fantastiske låtane sine.
Dei hadde det openbart gøy, var lune og koselige, smilande, òg vanvittig rå...og dei la aldri på ekstra råskap.



Det var tydelegvis fleire enn Knut som har nytt godt av ei eller anna mammas (eller pappas) vinylsamling. Det var mange unge menn der, og nokon var tydelegvis blodfans.
Ein gjeng veldig unge menn kunne alle tekstane,
og Steve Harley var dirigenten som fekk heile salen til å synge så Bataljonen ville bli grøne av misunnelse.


...og kven kunne tru at fyren skulle bli så sexy på sine gamle dagar?

SLIDESHOW
SteveHarley.com

Nettsamfunnet ORIGO

Har du gjort deg kjent med Origo? Om du ikkje alt brukar Origo vil eg ile til med ei anbefaling.
Origo er eit norsk nettforum som dekkar dei fleste interesseområde. Eg aktar å la det dryppe litt Origo reklame framover. Der ligg det så mange muligheter, fritt til å bruke heilt gratis, og du beheld rettighetane til alt du legg ut der.

Der finst ei sone for dei fleste, og finn du ikkje ei som passar deg, kan du opprette ei.

Å nyte, eller syte? - Thats the Question.

Det er omlag slik vi har det her i Bergen no. Ja, bortsett frå at det heng haustfarga blad på trea så er det slik som dette.
Eg var litt heldig som hadde dette liggjande på PCen, for eg greier ikkje bli glad i haustfargane.

Godværet forlot oss, og då møter eg utfordringa:
"Å vere glad for det som er akkurat no"
Ein dag blir god når eg er oppmerksom på det, men eg gløymer det så fort.

Er eg uoppmerksom, då gløymer eg å kjenne kor herlig friskt regnet er, då ser eg berre det gråe lokket som ligg over byfjella.

Den største utfordringa er haustfargane, dei greier eg ikkje bli begeistra for.
MEN vi kan jo ikkje greie alt heller, no vil eg berre nyte at eg nyt regnet, og så gir eg blanke i dei fargane.

TAKK PETUNIA!

Takk for award, Petunia.
Du er ei så himla kreativ, artig og positiv dame, at å få denne av deg er stas!!

Kjenner du ikkje Petunia, du finn bloggen hennar om du klikkar på denne linken ;)

HAR DU HØYRT?

Har du nokon gong høyrt Knut Reiersrud spele gitar?


Har du høyrt Jan Erik Vold lese dikt?


Har du høyrt Jan Erik Vold synge?


Det var dette vi fekk høyre på Landmark i går.

Først høyrde vi dikt av Wergeland, Obstfelder, Rolf JAcobsen.
Tenk deg det,
Jan Erik Volds stemme,
Reiersruds gitar.
Når han spelar er det jo som om kvar einaste tone blir født. Det er så mange dyktige gitaristar, men han har noko Reiersrudsk særeige,Reiersrud.

Hvis de ikkje var der, ja så kan de slett ikkje førestille dykk denne første delen av førestillinga.
Men kan de førestille dykk siste del?
Då sang Jan Erik Vold "Terje Vigen", til melodien “Alice’s Restaurant” av Arlo Guthrie

EG ER SÅ GLAD EG VAR DER!!
Takk Grethe, eg hadde ikkje visst om dette om det ikkje var for deg.