søndag 7. februar 2010

I Photoshop kan alle få trillingar.

 

Gode jenter kan det godt vere tre av.

tirsdag 16. juni 2009

Søndagstur

Det er lenge sidan sist eg gjekk til by’n, men det er ein fin tur, og eg har jo slett ikkje vondt av det.

Og så finn vi jo alltid noko langs vegen

MELIS

Denne “melis boksen” har eg lagt merke til når eg fer forbi i buss eller bil. Melis har elles sett spor etter seg både på lovligveggen på sentralbadet og ved Smørsbroen.

MELIS

Og denne fyren eg møtte i Haukelandstunnellen er eg igrunnen glad eg ikkje kjenner personlig.

illegal graffiti

Stakkar Susann! Eg veit ikkje om ho er slengt eller plassert på gata.

Susanne

Eg forlot Susann og gjekk mot Sentralbadet. Aktivitetsnivået er høgt der på denne tid av året.

Ut og stjæle hester

Eg var alt i utgangspunktet begeistra for linjene og flatene i denne piecen.

Då eg kom tilbake kort til etterpå og tittelen på ein av mine favorittromanar var blitt ein del av den smelta eg jo.

Har du ikkje lest “Ut og stjæle hester” så løp til biblioteket. Det er ein nydelig, velskreven roman.

Ut og stjæle hester

Eg fekk ikkje sjå denne heilt ferdig, og heller ikkje desse under.

Sentralbadet 14.juni 2009

Sentralbadet 14.juni 2009

Det er mange aktive på veggen no, og ein piece får ikkje stå lenge. Litt synd for det er mykje arbeid og heilt sikkert litt trist å sjå det forsvinne like etter at dei er ferdige. Samtidig er det kjekt at det er så mykje aktivitet, og at vi stadig får sjå nye ting.

Eg trudde ikkje det skulle bli meir fotografering då eg putta kameraet i veska og gjekk for å ta bussen heim. Det var før eg kom inn i Sigurdsgate.

Der stod desse to, som eg mangla i C215 samlinga. Eg visste dei befant seg ein stad i by’n, men ikkje kor dei stod.

c215

c215 i Bergen

C215 er ein fransk gatekunstnar som besøkte Bergen i mai, og har etterlatt seg mange nydelige stencils som verkeleg gjer enkelte av gatene her meir interessante. Eg anbefaler å ta ein kikk på resten av det eg har lagt ut her.

Det var søndagsturen. Kanskje eg skulle gå på fjellet neste søndag :)

lørdag 13. juni 2009

Mannfolkarbeid og shopping

Medan mennene lagar bybane Photoshoppar eg.

JA, Photoshop installert, og eg som hadde tenkt å vente til hausten før eg begynner å shoppe var ein tur innom og vart hekta.

Eg har ikkje lært så mykje enda, men ah…det er gøy. Og det er himmelsk å tenke på alt eg skal lære. Men no får eg bruke det eg har lært.

 

 

 

onsdag 3. juni 2009

BLÅTT E’ FLOTT

 

Slikt hår har eg ønska meg i 30 år. Eg gjekk faktisk til frisør og bad om blått hår ein gong, men ho forstod ikkje kva eg meinte, – Bliz var så langt borte.

søndag 31. mai 2009

"Bergmund Waal Skaslien stryker med" på Oi-Oi festivalen.

 

Oi-Oi festival er gøy.

Eg får aldri med meg alt som føregår, men eg får alltid med meg noko.

I år fekk eg med meg Bergmund Waal Skaslien, Anja Aubert Bang og Kristine Solberg som,  strødde lyd i Bergen.

Allslags lyd.

Eg høyrde kattar, dører som trong å bli smurt,

og lydar vi slett ikkje vil høyre rundt bordet.

 

 

lørdag 21. mars 2009

C for Cantwo

Eg skal ikkje presentere berre graffiti og gatekunst i ABC i bilder, men Cantwo må få bli med når vi først har C i alfabetet. (Oy, neste veke er det D, puhu, greier eg å halde meg unna DOLK?!)

Sjølv om eg fotograferer graffiti her i Bergen kjenner eg ikkje til mange store writers, og Cantwo var ukjent for meg inntil i haust då han var invitert til Bergen som juryemedlem i graffitikonkurransen som gjekk av stabelen i september.

At fyren kan sine ting er sikkert

Her er den ferdige piecen, 25 års erfaring ligg bak denne…

…og nokre timars jobb

Medan gatekunstnaren brukar sjablong, skissar writeren og malar så direkte på veggen.

Det finst utallige typar dyser, du kan få dyser som gjev tynne,tynne linjer. Eg har lese at Cantwo berre bruker to forskjellige dyser. Sikkert greit å greie seg med to, for det må vere litt av et pes å ha altfor mange å veksle mellom.

Det er faktisk slik at eg angrar at ikkje eg òg har ei trøye signert Cantwo. (Eg fleipar ikkje)

Dette siste bildet synest eg egentlig er det gøyaste , men det er første gong eg legg det ut i blogg.

Cantwo si heimeside

Her i GRAFFITI BERGEN er tre postar frå denne graffitikonkurransen

søndag 8. mars 2009

A for ARAM

Det er første runde i ABC i bilder.

Under bokstaven A var det lett å velje. A for ARAM som er ein av gatekunstnarane som har pynta byen vår. Den av våre gatekunstnarar vi veit ein del om er DOLK, ARAM derimot veit vi lite om. Eg har fått ein mail frå ARAM ein gong, den var skreven på engelsk, så eg gjettar at denne gatekunstnaren ikkje kjem fra Bergen…men kven veit?

 

Denne stencilen står fortsatt i Kalfaret, og eg håpar og trur at den får stå der til vær og vind har fjerna den.

 

mandag 23. februar 2009

Lyrikk for dagen min.

Eg veit ikkje kva diktsamling eg har brukt mest, Olav H. Hauge eller Einar Økland, men i dag henta eg fram Einar Økland.
Vi har ein verdidebatt vi bør ta her på berget, og dei siste dagane har "Truene" lege og vakt i tankane mine.


Truene


Somme truer er ei hylling
til ei løgn.
Somme truer fyller ansiktet
som eit vern mot ei løgn.
Det er levande og sterke truer
som ingen kjenner
før dei kjenner løgnene.
Andre truer er meir trøtte av seg.
Forvirra og utmatta veit dei ikkje
kva dei skal tru, berre at dei må tru
eitt eller anna. Så blir det dette dei gjer.
Dei trur på seg sjølv.
Ein blir trøtt av å vere ilag med dei.

Når vi ikkje får til å flytte fjell
er det støtt fordi ei tru er til hinders.
Ingen truer flyttar fjell frivillig.

Truer held seg alltid nær folk.
Truer gror også fram or folk.
Folk kan ikkje for det.
meir enn dei kan for utslett, hårvekst og avkom.
Somme slepper fram trua og steller den fint.

Som ein levande livsmedalje
ber dei trua på bringa.
Slike prydtruer lyser gjerne
som opne kaktusroser på et sukkelent sjølvbedrag.

Eg klipper truene mine
slik eg klipper neglene.

Einar Økland



Må visst avslutte her eg, desse neglene såg slett ikkje bra ut.

søndag 15. februar 2009

Vi kan håpe og drøyme

 

Det blir meldt frå La Manga at Håkon Opdal er i full trening. Kva for ein odding får vi sjå på Staddaen i 2009? Får vi sjå Opdal på sitt beste, eller enda betre enn han var på sitt beste?

Han var matchvinnar i ganske mange kampar i 2006 og 2007, og det vil hjelpe ganske mykje om han kjem tilbake til sitt gamle eg. Eh, vel Håkon, det var noko med utspela då, det var ikkje alltid like pent.

Men jøss, du var god!!!!  Veldig god!!!!

 

Og kven blir kaptein?

Her er dei to siste.

Eg trur Eirik Bakke held fram som kaptein.

 

Vi har sett Bergen gå av hengslene.

Det er ikkje lenger sidan enn at vi minnest korleis det er.

Eg trur noko om 2009, men det kan eg jo halde for meg sjølv.

Men vi kan håpe

vi kan drøyme

og synge

 

Og måtte det berre runge “Værdens bæste keepår” over Staddaen igjen!!!!!

torsdag 12. februar 2009

Tema: “Vinter”

 

Det er ikkje slik vi tenkjer oss vinterbilde av krukka i Tveitevannet. No i februar 2009 er det slik vi har det her.

 

 

Dei fleste prøver å få fuglehusa til å gå mest mulig i ett med miljøet.

 

 

eg elskar desse fargeklattane

og snøen

 

Normalt liker eg best at snøen ligg slik til at vi må oppsøke den. Men når den ligg slik dag etter dag, den verken kjem eller går, då er det berre himmelsk.

tirsdag 10. februar 2009

Hobbyboden tema: Vinter, kaldt

Desse er henta fram frå fotoarkivet, dei er frå april 2008, og er blant dei som måtte fram før eg fangar ny snø og kulde.

mandag 9. februar 2009

Pytt, eg legg den ut eg òg.

Så sprøtt! I gå såg eg denne videoen i to bloggar, først hos Miann. Konstaterte at det der var jammen ein kul video, litt småmisunneleg, for eg skulle gjerne lagt den ut sjølv.

Nokre timar seinare dukka samme video opp i ein av bloggane eg besøkjer ofte, “World of Stencils”, – og dermed var det gjort, no blogglegg eg den òg.

“The Reverse Graffiti Project” har dei kalla den, men eg synest den har meir felles med stencils. Han lagar sjablongar, men vaskar i staden for å male.

Artig er det ihvertfall! …og fint.

søndag 8. februar 2009

BALL I FEIL MÅL (tema:rund)

Når temaet er rund, ja så er det vel ikkje til å unngå at eit foto frå Staddaen blir henta fram. Det som jo er litt ille er at her går ballen i feil mål.

Seinare i kampen havna ballen i riktig mål, men foto, nei det har eg ikkje.

Kven har vel eit kamera midt i trynet når ballen befinn seg på riktig banehalvdel?

…og nå er det snart på ‘an igjen!!

fredag 6. februar 2009

FOTOALONG på Hobbyboden.

Tidlegare brukte eg Hobbyboden ganske flittig, så vart det ein del forandringar der inne, og eg kom liksom ut av det. No kjem eg nok til å droppe innom oftare, og ein ting eg har tenkt å bruke er Fotoalongen.

Tema i februar er:

1. Fremkomstmiddel
2. Vinter
3. Blå
4. 15 minutter hjemmefra. Gå, løp, sykle, kjør 15 minutter fra inngangsdøren din. Hva finner du der?
5. Kaldt
6. Rund

Eg synest det er fine tema Lise har funne.

Inne i forumet skal det vere nye foto som blir lagt ut, men eg vil bruke alongen for alt den er verdt. Derfor gjer eg litt ved sida av forumet. Eg liker å hente fram foto eg har teke før, og då eg såg at sirkel sorterte under rund dukka det opp ein del foto i minnet mitt. Foto eg fekk lyst til å kikke på igjen.

Eg er litt glad i denne kvernsteinen som prydar veggen på Hæggernes Valsemølle.

Eg gløymer aldri første gong eg såg denne stencilen. Den er veldig stor sammenlikna med det vi elles ser av gatekunst her i Bergen, den hadde liksom overteke et heilt hus. Veldig mykje gatekunst føyer seg liksom inn i miljøet, men denne overtok det heile.

Det er den polske gatekunstnaren m-city som står bak dette verket, og her er det lagt ned mykje arbeid, her har han brukt mange små sjablongar. – Og dette er ulovlig, så dei må jobbe kjappt. Her er foto frå m-city’s side, der blir det vist foto frå då dette verket kom til Bergen, og her ligg to av mine foto. m-city har besøkt Stavanger òg, sjå på dette!

Denne finn du like ved Sentralbadet.

…og så: Den aller beste!!

torsdag 29. januar 2009

Fotoarkiv utfordring frå Helle.

Det låg ei utfordring på Helle sin blogg som gjekk ut på å leggje ut foto nr.6 i album nr.6.
Vel, i album nr.6 hadde eg berre 3 foto. Det er egentlig litt rart at desse fekk bli med over til pcen.


Kva gjer vi når vi ventar på bussen?

Det første eg gjer er å finne 24kr, dei legg eg i den lettast tilgjengelege lomma, og så begynner eg å knipse.
Somregel slettar eg desse bildene før turen går vidare, men desse har altså fått bli med like inn på harddisken.
Et mot sør, og et mot nord.




Eg har egentlig tenkt at eg skal spare et par "Mens eg ventar på bussen" foto for kvar tur, og eg har jo faktisk begynt ser eg.
Eg har òg vurdert å begynne å fotografere jernbanestasjonen, hurtigbåtteriminalen...osv.

lørdag 24. januar 2009

LITT "FOTO-TRAVELT"

Her i huset er det litt "Foto-travelt" no. Eg tudde eg skulle ha ein del dagar å trene Elements før eg fekk Lightroom, men Adobe leverer kjappare enn dei lovar, så no må Lightroom ha førsteprioritet.

I tillegg har eg fått beskjed om at eg kan begynne å legge ut foto frå Emergenza finalen som eg skreiv om tidlegare.
Det er gøy, men jobbigt å gå gjennom alle bildene eg tok, og hittil har eg berre fått kikka på 2 av banda.

For å få det nokolunde oversiktleg, legg eg i ein blogg etterkvart som eg har fått sortert.

Det var grådig gøy å fotografere Emergenza. Eg lånte eit orntlig bra objektiv av Arne, men det var litt utfordring å bevege seg med eit anna objektiv enn det eg var vant med.


Det er ikkje kvardagskost for meg å få eit grønt armband som fortel at eg kan bevege meg kor eg vil, og det spørst om eg vil få mulighet til å fotografere frå denne vinkelen så mange gonger:


...men gu så lyst eg har til det.

Ta gjerne ein kikk på Emergenza albumet mitt,medan eg tar for meg bildene av neste band.

mandag 12. januar 2009

Finn Jarle Sæle annonserer motdemonstrasjon i Bergen.

Sjølv om dei fleste av oss synest det er ein smule upassande å marsjere i tog for å støtte Israel akkurat no, så er det ein rett dei har. Denne veka vil Finn Jarle Sæle lede troppane gjennom gatene i Bergen.

Eg ynskjer så inderleg at dei skal ha denne retten.
Og eg skulle så inderleg ynskje at dei lot det vere.

Eg lurer på, dersom eg var ein av Palestinarane i Bergen, og hadde familien min bak Gazas grenser no
Ville eg halde meg borte?
Eller ville eg bli trekt mot Bergen sentrum og Finn Jarle Sæle's arrangement?

Eg håpar berre så inderleg at det ikkje renn over for nokon.

søndag 11. januar 2009

Januar 2009


Bortimot 1000 personar møtte opp ved Den blå steinen i går, lørd. 10.jan.

Veldig mange av Paleatinarane som bur her i vår by har nær familie som er drept eller lemlesta i Gaza.
Byen vår har mange menneske som enda meir enn oss andre fortviler over det som skjer.

Å gå i tog til støtte for befolkningen i Gaza er ikkje berre å sende signal til våre politikarar, til Israel og andre om at vi tek avstand frå krigen Israel fører.

Folk i Gaza får vite om kva som skjer, og dei gjev uttrykk for at det betyr uendeleg mykje at dei ikkje er gløymde,
at folk møter opp og støttar dei.

Dette lys er ikke solen, men en brann
Disse skyer er av røk og ikke vann
Denne grunn er bare aske ikke jord
Denne sang er bare handling, ikke ord.

Det vi ligger i er piggtråd, ikke lyng
Dirigenten roper: skyt, og ikke syng
Med gevær og ikke stokk står vi parat
og i hånden ingen gren, men en granat

Det som stormer er kanoner, ikke storm
Det som lyner er et folk i uniform
Dette folk er ikke folket, men en rest
Det er mennesker som dreper, ikke pest

Denne sang er bare blod og ikke blekk
Dette folk er ingen fugl som kan fly vekk
Denne krig er ingen krig som kan gi fred
Vi har reist oss og kan se vi er slått ned.

Dette diktet skreiv Georg Johannesen til minne om oppstanden i Warzawas getto våren 1943.
tiår på tiår har gått,
grusomheten er ikkje slutt, men kven som innehar rollene har endra seg.

lørdag 10. januar 2009

Takk Irene!


Like over nyttår låg det melding fra Irene at det låg ein award til meg i bloggen hennes. Eg ila inn dit og fann denne posten.
Tusen takk Irene, det var overraskelse!

No har eg fundert på kven eg skal gi den vidare til, og så ser eg at det er litt seint for det no, vi er alt inne i 2009 og dette var ein 2008 award.

søndag 4. januar 2009

The man in black.



"Verden består av to typar menneske.
Dei som likar Johnny Cash, og dei som kjem til å like Johnny Cash."
(Og eg har tilhøyrt begge gruppene)

fredag 2. januar 2009

2008 VAR

2008 var året då
- vi feira June sin konfirmasjon
- og Majas konfirmasjon.
og eg skifta ut Corollaen som eg hadde hatt i 20 år
...og fjernsynet eg hadde hatt i 26år.

2008 var året
bybaneskinner vart lagt i Bergen

2008 var året
då ydmykinga av det Palestinske folket heldt fram, og enda med bomber over Gaza.

2008 var òg året då 550 bergensarar deltok i fakkeltog for å vise sympati med det palestinske folket i Gaza, og markere avstand til Israels langvarige okkupasjon av Palestinsk jord.

2008 var DET året
Brann ikkje vann serien, Mjelde gjekk og Nilsen kom.

2008 var året
då eg fortsette å fotografere,
men ikkje måla.

2008 var året
då eg var på Steve Harley konsert.

2008 var året
eg omsider skaffa meg palestinasjal.

2008 var året
Obama vart vald til president,
mange fekk eit nytt håp
...og eg trur han berre er nok ein amerikansk president.

men, vel, la oss håpe.

2008 var året
Madrugada gav ut "Madrugada",
la ut på den turneen dei ikkje skulle på,
og heldt sine påstått siste konsertar.

2008 var året
då finanskrisa fekk meir oppmerksomhet
enn situasjonen i Kongo, miljøutfordringane vi står overfor, situasjonen i Palestina...

2008 var året
eit av mine foto vart brukt i ei lærebok
fagbokforlaget fekk tillatelse til å bruke eit av dei på eit bokomslag,Aftenposten fekk bruke foto frå "Kvinnehistorisk natt" og NRK fekk bruke foto frå bloggane mine.

2008 var året
eg møtte folk som er interessert i å fotografere.

2008 var året
eg hadde ein nydelig Vågslid tur med Jon og Tina.

2008 var året
eg og Knut hadde ein helig kopp kaffe i solsteiken.

2008 var året eg og Elisabeth titt og ofte gav lyd frå oss på Brann stadion.

2008 var året
då eg høyrde Knut i Logen med det nye bandet.

2008 var året
eg var på fine konsertar sammen med Grethe.

2008 var året
med skumle, men gøye fotooppdrag.

2008 var året då det var så mange nydelege vinterdagar,
så mange nydelege sommardagar
og det vart dansa i Teatergate kiosken.

2008 var året
då avdelinga Knut jobbar på flytte frå Haukeland til Sandviken sykehus.

2oo8 var året
då det heilt på tampen av året dukka opp temaet som eg vil jobbe med.

tirsdag 30. desember 2008

Julehelsing frå Brasil.

Nokon av dykk som besøkjer bloggen min har gjerne fulgt linken til Mauricio sin blogg, EL COLLAGE.

Tett oppunder jul tikka julehelsinga frå Mauricio inn. Etter ønsker om ei god jul, låg denne utfordringa:

"In 2009, go ahead writing your own history"

Fotocollage Mauricio Planel

Ei slik utfordring er stor, og det er litt av ei gave om ein tar den imot.

Eg har fått lov til å dele den med dykk som besøkjer bloggen min.

mandag 8. desember 2008

Demning...vulkan....joik.

Utbygging av Alta-Kautokeino vassdraget var det som vekte Mari Boine, fekk henne til å sjå kor undertrykt det samiske i henne var, trigga fram ein vulkan.

Ein treng ikkje vere av same ætt for å tape deler av oss sjølv i ein sosialiserings prosess.
- kven har ikkje noko som bevisst eller ubevisst blir halde tilbake, som skulle fått vekse og gro?
- kven held ikkje noko tilbake når vi går inn i nye roller?

Å tilpasse seg er nødvendig, men kva blir borte?
- Kva må gjerne fare, og kva må vi ta vare på?

Eg trur landet vårt må vere fullt av sovande vulkanar.

mandag 1. desember 2008

EMERGENZA finale på USF

Dei fleste som besøker bloggen min har sikkert aldri høyrt om Emergenza.
Emergenza er ein stor musikk konkurranse for upcoming band.
Her er det ikkje som i Idol at deltakarane blir meir og meir like, meir og meir styla og veileda inn i det glatte og preglause etter kvart som dei heng med runde for runde.

14 band som ikkje var glatte og kjedelege deltok i finalen på USF lørdag.
Vinnarane var meir enn eit fyrverkeri, fytti katta! Har du bruk for å få opp energien så sjekk om det er ein Mollygogo konsert på plakaten, dei har plenty av fart og energi, - òg det smittar.
Neste stopp for Mollygogo som vann er den norske finalen på Rockefeller, så kan vi håpe på at dei går vidare derifrå og dankar ut dei andre skandinavane i Stockholm, for då møter dei resten av verden i Tyskland.
Waaow alle vestlendingar, følg med, følg med!
Dette blir spennande.

HER ligg foto frå finalen.



MOLLYGOGO.COM
EMERGENZA
Wikipedia
EMERGENZA.no RESULTAT OG FOTO