PETUNIAS FOTOSAFARIE.

No vil eg og bli med på Petunias fotosafarie.

Slik presenterer Petunia FOTO SAFARIE : "Her er det nesten ingen regler eller faste dager å måtte publisere på. Du legger bare ut et bilde på bloggen din av noe du har snublet over på din vei og som du bare måtte ta bilde av. Hvis du skriver "Fotosafari" i emnefeltet/etikettfeltet på bloggen din, så blir det lettere for oss å finne frem til alle safari innleggene dine. Det eneste som forlanges er at bildet er ditt eller at en i familien/bekjent har tatt det og du har fått lov til å bruke det. Fotosafari er med andre ord en utmerket mulighet til å legge ut bilder på bloggen din som du kanskje ellers føler ikke ville passe til de andre tingene du blogger om. Hvis du vil, kan du bruke Fotosafarilogoen over her. Gi meg beskjed når du har laget et innlegg, så kan jeg legge link til siden din sammen med de andre i safarigjengen under her. Kjekt om du deler bildene dine med oss!"


Her finn du Petunia, og der inne finn du òg link til alle som går på FOTO SAFARIE

EIN DAG MED GODE FORMIDLARAR

Eg synest det er så godt å vere i rom med folk som har noko å fortelje og som har dette lille ekstra i måten å formidle på.
Den ferskaste opplevinga eg har med gode formidlarar er frå forrige helg då eg var i Åkra. Eg har alt i posten under fortalt om dei som rodde til kyrkje.
I kyrkja var det først ei kort gudsteneste, ja faktisk rakk presten både ein barnedåp og møte med neste vårs konfirmantar i løpet av ein go halvtime. Når det er sagt, må eg og føye til at han gjorde desse seremoniane nære, vakre og særeigne.


ETTERPÅ VAR DET SONDRE OG LARS ERIK SIN TUR.

SONDRE BRATLAND
Sondre er god å høyre syngja, men ei stemme god å høyre på er ikkje mindre verdt når du skal fortelje.Han er slik ein lun god forteljar Sondre.
Denne dagen opna han med å lese "So rodde dei fjordan" av Aslaug Vaa, og i fortsetjinga veksla han mellom å syngje og å fortelje om blåtonar, tradisjonar og tradisjonsberarar.

Åkra har og ein lokal formidlar,Lars Erik, som både har stoff å formidle og er kvikk i replikken. Det var så artig å høyre på desse to. Sondre med tonane som tema, og Lars Erik som fortalde om kyrkjebygget, fulle av humor begge to. Dei kunne fortalt om kva som helst og vi ville ha sete der utan å falle i søvn.

LARS ERIK TJELDFLÅT

Eg skulle ynskje eg ofte var i rom med menneske fulle av små forteljingar.

KYRKJEREISE I ÅKRAFJORDEN

Dei starta grytidleg desse roarane.
Som folket på Rullestad gjorde i gamal tid, gjekk dei den timelange turen ned til Fjæra for så å ro til kyrkjesundag i Åkra.


Det var bygdelaget i Åkra som saman med soknerådet arrangerte ein kyrkjesundag som i gamal tid.

SO RODDE DEI FJORDAN
So rodde dei fjordan, so køyrde dei strondi.
So rei' dei lidan, so vassa dei sundi

Og heggeliljune duppa i bakkan,
Paa kyrkjegolvstiljune inn svinga stakkan'

Det var Liv og Tone, og Rannei og Gyri,
Og Gamla paa Fjone, lett trippa fyri.

Det var Knut og Livaar, og Sveinung og Tore,
Og buggen sin Styrkaar fraa Utigaard Jorde.

Og inn dei seg sessa paa kvaare si side,
So lydde dei messa men tanken ro/k vide.

Og Knut saag paa Tone, og Rannei paa Livaar,
Og Gamla paa Fjone laut tenkje paa Styrkaar.

Daa klokka ho klemta og kvendi sukka
Og karane kremta og ut dei seg tukka.

Og sunnan og norran dei helsa i hendan
So rodde dei fjordan, so køyrde dei strendan.

Aslaug Vaa.

SE OG HØR dekker det meste.

Endeleg noko Se og Hør dekkar bra.

BYBANEN BRINGER FARGAR TIL LANDÅS

Ja, eg veit det er stygt,
men eg synest det er vakkert!!!

Her eg bur er det full fart i bygging av bybanen. Det blir ein del sår i naturen, men desse fargane som fylgjer med, dei gjer meg glad.
Fargane og linjene, eg nyt å komme over noko slikt.
Å, som det oransje lyste i sola, ei oppkvikkande linje mot det grøne. Eg synest det er så spennande, og likar kontrasten mellom naturen og denne oransje stripa.


Gulfargen er like gul her som på smørblomsten, eg tek imot det den har å gi eg!!

"SOMMARFUGL"

Eit tre fullt av småfugl var noko av det første eg støtte på då eg kom ut i dag.
Eit tre fullt av småfugl, like sommarvarme-dorske som oss andre.

KOR I ALLBERGEN?

Veit du kor i Bergen dette er?

TIL MERETE og andre som vil sjå gatekunst i Bergen.

Eg er ikkje sikker, Merete, men eg oppfatta det slik at det var gatekunst og graffiti du var interessert i å få nokre (8-10) tips om.
Vel her kjem de i tre første. Dei er fort gjort å finne.

TORVALLMENNINGEN er jo ein grei stad å starte.
- her vil du finne noko på Narvesenkiosken.
- så kan du gå mot Torget. La Bryggen vere Bryggen, og gå heller i den andre retningen, der hurtigbåtane legg til.
Når du er klar for å runde hjørnet der du kan kjøpe støvlar og sydvest har du alt funne 3 DOLK.

Eg vil ikkje vise deg kva for nokon det er, for då blir det jo ikkje så gøy, men den eine av dei er ein annan variant av denne som står i Øvregaten

SESONG FOR UTFORDRINGAR.

Eg har blitt utfordra av Beate
1) Hva gjorde du for ti år siden?
2) Hva er 5 ting på å- gjøre- lista mi i dag?
3) Snacks jeg liker:
4) Ting jeg ville gjøre dersom jeg var millionær (eller billionær)
5) Steder jeg har bodd:
6) Disse folka vil jeg vite mer om:

10 år - hm, då budde eg i Kvinnherad, men tumla med planar om å flytte til Bergen.Arbeidde som miljøterapeut ved Dagsenteret i Herøysund sammen med mange gode kollegaer som eg ofte saknar.

5 ting på å gjøre lista for i dag.
Eg skal hente mobiltelefonen som eg miste på Stadion under BRANN - MOLDE kampen på lørdag.
Og eg skal sjå AMBRA, Charte Blanche & Island Dance Company
Eg skl og fylle litt i kjøleskapet
Eg har nokre foto filer som skulle vore sendt
- og eg skal gjere denne posten ferdig.

SNACKS,- egentlig så liker eg best frukt eg.

HVIS EG VART MILLIONÆR JA.
Eg skulle fort som flyet skaffe meg PhotoShop.
Og eg skulle reise.
Og eg skulle gi bort ting eg kjem over som eg får lyst å gi bort.
Teaterstykke eg likar ville eg sjå gong på gong, på gong.
...
Hvis ikkje alt røyk straks i større bolig

Eg har budd i Kvinnherad,Stord,Karmøy og Bergen.

Vil vite meir om.
Eg har lyst å utfordre dei som stikk innom å gripe stafettpinnen eg.Håpar nokon føler seg kalla, og gi eit hint om det i kommentarfeltet her då slik at eg og andre finn deg.

EIN BLOMST TIL GRETHE

TAKK FOR I GÅR, GRETHE!!

PICASSO i Bergen er snart historie.

Berre ei påminning til alle som har tenkt å sjå Picasso enda ein gong.
8.juni er siste sjanse!

Bergen kunstmuseum

!!!!!!! ADVARSEL !!!!!!!

Er du, eller blir du beden om å vere Gudmor så vil eg berre åtvara. Følg barnet opp på sjikkele vis. Eg snakkar av erfaring.
Det kan fort la seg straffe om du slurvar.
Neida dåpsbarnet kan vekse opp og bli ei flott jente eller gut sjølv om du slurvar.

Eg har vore gudmor for to flotte jenter.
Og det er ikkje mi forteneste at dei blei som dei blei.

Det kan gå så fint, dei kan gå der utan å sutre og klage, du merkar lite til misnøyen.
Så plutseleg som lyn frå klar himmel kjem hevnen, og hevnen er ikkje søt for deg.
Du sit der i triveleg lag, ikkje midt i kyrkjetida, men med barn og kamera tilstede, og vips har den hevngjerrige fortare enn svint tredd eit RBK sjal om halsen din.

Foto:Knut Åkra
Det var jo enda godt at sjalet ikkje var blått og raudt.




Kva som skjedde med fotografen?

TIL ELISABETH

Desse beina fann eg 16.mai.
Eg drog til sentrum og forventa eigentlig å sjå ein og annan bere blå supporter-effektar.Bortsett frå politi i blå skjorter var dette det eg fant av blått.
- Og her var det ikkje berre blått gitt!!

Eg kunne jo ikkje ha gjeve Elisabeth ein Vålerengen supporter, men fargesprakande klovnebein, det kan ho få sjølv om ho ikkje er den som har minst fargar frå før av.
Ho er slett ikkje dårleg utrusta når det gjeld sko heller, sjå berre her.

Elisabeth, dette måtte jo bli gåve til deg med Regnbuestinga!

Eg fann eg fann - den herligste barnekunst

På turen min i går gjekk eg forbi Fridalen skole og vart overraska av fargar som lyste bak buskar og på betong.


SLIDESHOW.
Mitt bilde av Fridalen skole har vore
- den nedleggingstrua skulen
- skulen som treng så sårt til oppussing.
No har eg eit heilt nytt bilde av denne skulen. Det er skulen elevane har sett sitt preg på. Dei har gjort det som kunne sett ut som ein fengselsmur til ein mur med ein port ein kunne tenke seg å opna og gå inn.

Ta ein kikk på kvinnene i Bergen og Oslo.

Kvinnehistorisk natt vart arrangert for første gong i Oslo, for tredje gong i Bergen 8.mai 2008.
Kvinnelege heltar får prege byen.
Ta ein kikk når du er i sentrum så finn du dei nok.
Under Smørsbroen finn du mange, men der er kvinner overalt i byen no.


Björk er ei av mange store kvinner som vert hylla ved å bli vist i byrommet.


FOTO:
Kvinnehistorisk natt 2007 Bergen
Kvinnehistorisk natt 2008 Bergen
Slideshow

Tenk om bybanens stoppestader kunne få namn etter kvinnelege heltar?
Det hadde vore greier.
Det hadde vore heilt på sin plass!

GÅVE FRÅ ARGENTINA.

Gåve frå Daniel Cimadevilla
Dette biletet har eg alt lagt ut i TING, bloggen for slikt eg og andre har laga.Men: når eg får ei ku i posten frå Argentina...ja så er det så stas i at eg fort blir frista til å leggje den her og.
Min 'You make my day award' gjekk til Daniel Cimadevilla fordi det alltid er godt å tilbringe tid i bloggen hans.Så svara han meg med eit bilde i stor konvolutt frå Argentina.
Slike uventa gåver er som vitaminer.

EG FANN,EG FANN - ein fargeklatt.

Når eg er på tur og har fotoapparatet med kjem eg bestandig heim med eit drøss av verkeleg kjedelege foto.Særleg når eg går rundt Tveitevatnet.
Mange av desse blir liggjande til ingen nytte.

No skal eg bli flink.
Eg skal velge eit "Eg fann, eg fann" foto. Resten skal slettast dersom det ikkje er grunn til å samle på dei.

I dag var det ein fargeklatt som overlevde.

"Leilighet ledig ved Tveitevannet"

KVINNEHISTORISK NATT 8. MAI 2008

Eg hadde ikkje høyrt om Kvinnehistorisk natt før eg fann desse under Smørsbroen forrige sommar. Då eg kom heim søkte eg på nettet og fann ut at kvinner i Bergen hadde brukt ei natt i mai til å hylle kvinnelege heltar ved å lage plakatar og henge opp rundt i byen.


No ser eg på Underskog at Kvinnehistorisk natt går av stabelen for tredje året på rad.
Dei oppfordrar folk til å lage plakatar av kvinnelege heltar og møte opp ved
den blå steinen kl.20.00
torsdag 8.mai 2008


Eg siterer frå Underskog:
"...Denne kvelden håper vi at du vil være med å henge opp plakater av ei dame som på en eller annen måte inspirerer, motiverer eller betyr noe spesielt for deg. Dette kan være alt fra din bestemor, din yndlingsromanfigur, Simone de Beauvoir eller Mona Størseth. Når du kikker rundt deg i byen vil du fort merke at gatene er oppkalt etter menn, statuene forestiller menn og byrommet i likhet med resten av offentligheten er preget av menn. Når kvinnene ses i byen er det ofte som passive objekter på byens reklameflater.

Derfor feirer vi kvinnehistorisk natt igjen!..."

Eg synest dette er så flott tiltak.
Eg får lyst til å delta. Og ihvertfall skal eg kikke meg rundt i by'n. Eg gler meg til å sjå alle heltane!

NY TRENAR I BRANN

ELISABETH GJØR TING HUN IKKE TØR 3
Så var ny trenar på plass i Brann og.

HER finn du Elisabeth gjør ting hun ikke tør 1 og 2

DET FINST JENTER

DET FINST JENTER SOM KLATRAR HEILT TIL TOPPEN SJØLV OM DEI HAR HØGDESKREKK

Vågslid april 2008

TAKK MIAMOR!

Eg har fått deilig sjokolade...




...og Flax lodd av Miamor

Og eg hadde Flax. 50 kroner.
Eg har inntrykk av at Miamor ville at eg skulle vinne ein mill. Men Miamor det går an å få 50kr til å bli noko godt.
Eg har ikkje tenkt på kva enda.

Miamor spør kva eg ville gjere om eg vann 500 000.

Eg veit ikkje kva det andre eg ville gjere var, ikkje det tredje og fjerde heller.
Men det første eg ville gjere var å planlegge ein orntlig fest med innleigd kokk, ein orntlig flink ein. Eg ser ikkje bort frå at det ville blitt Joakokken.

Det er så herlig å ete god mat i selskap med folk eg trivest ilag med.

OG EG HAR IKKJE LOV AV MIAMOR Å BETALE NED GJELD

CONTAINERHAVNA

For meg er ikkje Containarhavna skjemmande.
Til meg fortel Containerhavna noko om byen vår.

Når eg traskar forbi, er det heilt greit at den ligg der,
det er jo trass alt ikkje min bakgård.

Eg synest desse containerane er nesten vakre.
Dei er slik enkelte menn er, dei er styggfine

MEN, eg slit ikkje med å forstå denne dama

BERGGLEDE

Dette er tida på året då ein må gå tett på ting.
Naturen er så gustenbrungrå at ein må kikke på dei små detaljane for å finne noko å glede seg over.

UT OG STJÆLE LÆNESTOLA

Eg tenkte eg skulle lage ein post om våre 3 poeng i serieopninga, om at "Vi har Thorstein Helstad..." og jammen har vi Karadas og. Men det vart liksom til ingenting av det.

Det eg derimot fekk lyst til, jo det var å rappe dette bildet frå Jamtea

Eg falt for dette fotografiet straks eg såg det, og no i nattens mulm og mørke var eg oppe på Flickr og rappa det.
Er det ikkje eit bra foto?!

SALT RUTE

Hurtigbåten Tranen går i salt rute i Sunnhordland.

Dette fotografiet lyg litt.
Du ser langt meir av den vakre naturen gjennom vindauga på hurtigbåten.

FAIRTRADE - RETTFERDIG HANDEL

Eg har ikkje grunn til å vere stolt når det gjeld rettferdig handel. Ei rekkje produkt finst tilgjengelege, men likevel; rettferdig har eg ikkje vore når eg har handla.

I dag har eg for første gong på mange år kjøpt ei FAIRTRADE merka vare.
Det er så himla greit å ikkje tenkje over det. Å ikkje tenkje over at det faktisk finst FAIRTRADE merka produkt.
Nyte billeg kaffe, utan å vere medviten om at råvarene blir levert til ein så låg pris at dei som dyrkar, haustar og leverer kaffebønnene ikkje tener nok til å brødfø seg og familien sin.







Rimi kaffe kr.12,50

FAIRTRADE kaffe fra Friele kr.19,50

Ein kan jo spørje seg kor mykje jordeigarane får for å levere kaffebønner til Rimikaffe.

Kjenner du til FAIRTRADE merka varer du kan anbefale?

MIN PERSONLEGE TRENAR

Eg er blitt min personlege trenar.
Første modul er å få gang på å trene streken.

Kvar veke skal eg dagleg, og minst 3dg i veka fylle eit ark med linjer, strek,punkt. Dette skal ikkje bli vakkert,det er berre for å halde streken varm.

Kvar gong eg hentar fram blyanten igjen, ja så er eg tilbake på begynnarstadiet.
No har eg som mål å heile tida teikne litt.

Første veka var eg ein god elev, men eg har vore min gode elev tidlegare óg...første veka, og no gjeld det å halde fram med det, det er det slett ikkje bestandig eg gjer.

KNIV FRÅ FRETEX

Kniven eg kjøpte på Fretex er flittig i bruk. Den er ein orntlig god blyantkvessar.

Ville "unngå å skape unødig uro"

Vi ville ikkje skape unødig uro begrunnar styreleiar ved privat stiftelse det med på spørsmål frå BT om kvifor tillitsvald ikkje er orientert om at den private stiftelsen i tre år ikkje har betalt inn pensjonspremie for dei ansette ved institusjonen stiftelsen driv.

Er det berre eg som blir rysta og forbanna?
Eg vart jo overraska over at det var mulig å unnlate å betale inn pensjonspremie.
Enda meir overraska blir eg over å lese at dette gjeld for 3 år, og tillitsvalde ikkje er orientert.

Når det så står å lesa at styret ikkje ville skape unødig uro blant tilsette ved å orientere tillitsvalde om dette, det er då eg kjenner raseriet entrar scenen.
Det er då veldig mange spørsmål poppar opp.

Eg merkar at dette vesle ordet unødig blir eit digert ord.

21.mai - 4.juni 2008

Dei dagane i slutten av mai

og dei første av juni
dei dagane eg førestiller meg at det alltid er solskin og varmt
her i Bergen
dei dagane gler eg meg til no

21.mai - 4.juni
javisst er det ei tid til
mykje skal skje før den tid
men litt kan det då få surre alt no.

Det er berre såvidt eg har kikka innom årets festspelprogram enda

dette året skal eg smake enda meir av festspeljordbæra enn tidlegare

GOD GAMMEL AARGANG

BERNINA Nova.
I GÅR PRØVEKJØRDE EG DEN.
Denne sydde mange mil på begynnelsen av 80talet.
OK, eg snakkar litt romsleg,men pytt pytt.
Dei siste 20 åra har den berre teke plass, og det er jammen på tide ho begynner å yte litt.
Joda,ho har bidrege med ein og annan saumen eit og anna året, men det er klær den vart oppdregen til å sy, og der har ho svikta fullstendig.

No har eg beint vegra meg ein smule for å plugge kontakten i veggen i frykt for å få stadfeste at den har sett sine beste år.
I går tok eg mot til meg, og det ser betterdø ut til at den kan yte litt meir.
YESS...det er bra, for eg har aldeles ikkje lyst på ny symaskin.

Mmm...dette var jordbær. Skulle den gi meg litt piggtrådopplevingar,skal eg vel akseptere det.

ON THE ROAD AGAIN

I ein periode måla eg dagleg, og aldri mindre enn tre dagar i veka.
No har det gått eit år sidan sist, - eller er det meir enn eit år?

NO HAR EG TØRKA STØVET AV MALINGFLASKENE og det kjennest himmelsk


Det triggar lengselen etter atelieret mitt, men inntil vidare får stova duge.
Atelieret er på framleige, men kanhende skal eg få med meg fleire som treng ein plass å boltre seg på i løpet av året. - Ja, det skal eg ha litt i tankane utan å stresse det.

'You Make My Day' Award

Takk for denne utmerkelsen Elisabeth!
Din blogg er jo ein av dei eg titt og ofte er innom, og du kunne godt fått ein tilbake.

Det har gått nokre timar sidan eg mottok denne no, og det er mange bloggar eg godt kunne gi denne utmerkelsen. Har tenkt over, skal eg gi den til fleire eller til ein blogg.

Valet fall på den eine bloggen som betyr noko heilt spesielt for meg.
Daniel Cimadevilla frå Argentina.
Det er ein blogg eg ofte besøkjer, og blir glad kvar gong eg går inn der.Bildene hans er for meg heilt spesielle, eg skulle gjerne hatt maaange av dei på veggen min. Når eg ikkje har nokon av dei, er eg glad eg ihvertfall kan sjå dei i denne bloggen.
Det er ikkje eit av bildene eg har funne her eg har opplevd å stille meg likegyldig til, det er som han gir noko i kvart penselstrøk, og eg er han takknemlig.

Your art Make my day, Cima.